30.10.1996 ... Среда ...
Поминаа две недели од како се запознав со Mister X, најпознатиот музички продуцент на овие простори. Ми рече дека ќе се јави, но го немаше, се до вчера кога изутрината ми се јави да ме покани на некоја вечерна забава - промоција на нова песна на една од славните наши пејачки. Бев изненадена, јас ќе одам на таква фенси забава. Не ми се веруваше и скоро целиот ден го поминав во барање на совршениот изглед за таа вечер. Заедно со другарка ми смислувавме милион комбинации, за вечерта да облечам краток фустан со потенцирано деколте. Дојде и моментот кога X требаше да ме собере од дома, беше прав господин ми ја отвори вратата од автомобилот и секако заминавме на забавата. Забавта беше неверојатна, ексклузивна, најубава забава на која сум била. Се запознав со сите кои вредат нешто на сцената и бев неверојатно среќна за тоа. Секако како и секоја фенси забава и оваа не ќе беше ништо ако немаше неверојатна after party. Алкохол, секс, дрога бев вчудоневидена од се што видов и не ми се веруваше дека некој од моите идоли се однесуваат сосема спротивно од она што претставуваат. X ме одведе во мала соба во клубот и ми понуди “бела линија“. Не бев подготвена и одбив, а тој само ме погледна и рече дека јас губам. Го замолив да ме врати дома, се согласи и ја напуштивме забавта. Пред мојата зграда нежно ми ја бакна раката и ми рече дека таа вечер сум била најдобра од сите ... Се почуствував посебно и кога ме покани следната недела да одиме на кафе и да ми ги соопшти плановите кои ги има во врска со мојата кариера. Бев изненадена од неговиот предлог, но конечно соништата ми беа на дофат ...

|

Read Users' Comments ( 0 )

17.10.1996 ...Четврток ...
Денес прв пат влегов во студио и сфатив дека тоа е она што сакам да го работам во мојот живот. Бев опиена од целата атмосфера, а најмногу од магијата на целиот микс на мелодии и луѓе во фрка. Едноставно преку мој другар успеав да влезам во студиото на еден од најголемите музички продуценти денес и секако имав шанса да докажам што знам.Влегов во студиото, добив текст на песна и едноставно од мене го извлеков најдоброто. Сите беа фасцинирани и продуцентот ме повика на приватен разговор во неговата канцеларија. Влегов и бев изненадена од сите слики кои што се наоѓаа внатре, слики од сите познати, слики од сите мои идоли во животот. Ме понуди со пијалок, прифатив и седнавме да разговараме. Ми велеше дека во мене го носам вистинското нешто, дека јас сум точно личноста што во моментот треба да се појави на естрадата, дека токму јас недостигам во целата таа збрка. Бев на седмо небо, беше подобро и од првата љубов која што ја доживеав пред неколку месеци, едноставно немам зборови за да го опишам тоа чувство. Ме испрати од канцеларијата со неколку добри зборови и совети кои мислев дека добро ќе ми користат, но сепак ми рече дека не е време да избрзуваме со мојата кариера и дека треба да очекувам телефонски повик од него ... Како ли тогаш не забележав дека сета таа бајка набргу ќе изгори???
Вашата ѕвезда XxX ...

|

Read Users' Comments ( 4 )

После една доста дооооолга пауза вашиот (не)омилен шоубизер е повторно тука ...
Па сега имаме доста работа пред нас од како нешто почна да се движи на нашава шоубиз сцена но сепак доста сме далеку од она што ни е потребно ...
Па каде се големите скандали???
Каде се црвените теписи???
Каде се вистинските ѕвезди и вистинските трачеви???
Сега е време ова да го откриеме ... Доста насловни дека Елена Ристевска има нова кола или дека некоја певаљка купила нов фустан ... Сакам да откријам голем скандал, скандал кој ќе ја потресе целата македонска јавност, скандал од светски тип, можеби некоја македонска секс лента или рушење на табу тема ... Да го откриеме тоа годинава или ... ???
Следете и откријте го секоја недела „Дневникот на една ѕвезда“ само на ShowBizz ...
Ќе останете шокирани од она што ќе го прочитате, ќе бидете изненадени од тоа што се случува во животот на една вистинска ѕвезда ...
Не ве сакам сите, јас ве обожавам ...
Вашиот шоубизер Петар ...

|

Read Users' Comments ( 0 )

После филмот "One night in Paris with Paris"- порното на славната трендсетерка Парис Хилтон, нејзините амбиции не запираат тука ...
Парис Хилтон се кандидира за претседател на САД ...
Сите големи телевизиски куќи во САД оваа вест неколку дена ја вртат на своите програми, почнувајќи од CNN па се до ABC сите се преплавени со промотивни видеа за претседателската кампања на Парис Хилтон ...
Целата оваа збрка, ја започна самата Парис, од како претседателскиот кандидат McCain ја спореди кандидатурата на својот противкандидат глупа како и самите ѕвезди Парис Хилтон и Бритни Спирс ...
На сето ова Парис го сними својот прв рекламен спот во кој вели дека му е благодарна на дечкото со белата коса што и ја дал идејата ... И дека сега сериозно размислува дали да ја земе Rihanna за подпретседател на САД ...
Колку ли секси ќе изгледа сега Америка ???




Дајте предлози кој ќе се кандидира на нашите избори ... :D:D

|

Read Users' Comments ( 1 )

Шоу кое што изврши свој вид на револуција во телевизијата ...
Шоу кое постана културен феномен за голем број на генерации ...
Тоа се првите зборови за култната серија “90210- Беверли Хилс“
Како и секогаш ShowBizz најбрзо ги дознава и ви ги носи новите вести од светот на шоу бизнисот па еве ги и рекламите за новото шоу, новиот Беверли Хилс, провокативен како никогаш досега ...
Уживајте ...




Како мал многу ја сакав оваа серија и омилен лик ми беше Бренда. Овој пат во серијата се враќаат и старите фаци ... малку пораснати се разбира :D:D:D
Искрено се надевам дека и некоја телевизија кај нас ќе ги откупи правата за повторно да уживаме во 90210- Беверли Хилс ...

|

Read Users' Comments ( 1 )

Одкако дигна голема прашина нејзиниот нов албум “Здраво Маријо“ време е првиот хит од овој албум да добие свој видео запис ... Затоа што Северина е единствена од целиот Балкан која што работи нешто подруго (и Јелена Карлеуша) ексклузивно на ShowBizz спотот за нејзиниот хит Гас, Гас ...
Па вие коментирате ....

|

Read Users' Comments ( 0 )

Се што некогаш направив ќе го дадам за уште еден ден ...
Уште една ноќ која изминува, уште една врата во која што влегувам ...
Ова е дождлив пат, тежок е патот до мојот дом ...
Затоа не чекајте некој да ви каже дека е прекасно ...
Ова се НАЈДОБРИ ДЕНОВИ ...
Секогаш постои и нешто за утре ...
И затоа велам да го направиме најдоброто вечерва ...
И потоа продолжува нашиот живот ...
Ги бројам чекорите во далечина со времето ...
Уште едно лице, уште еден пријател ...
Уште едно место, и потоа продолжуваме ...
Кон нашите НАЈДОБРИ ДЕНОВИ ...

|

Read Users' Comments ( 8 )

Сега е лето, време за добра забава и одлична музика. Насекаде се организираат разно- разни музички фестивали и токму тоа ме иритира. Секој од овие фестивали се најавува како фантастично шоу, нешто досега невидено, а на крај се е извисено, и само се зборува за тоа кој ја добил првата награда, како и зошто победил и такви ствари.
Сето ова нервира затоа што народот кој ги посетува овие фестивали плаќа за да се забавува, а не да слуша расправии на некој “ѕвезди“ кој од пуста општа култура се препукуваат како да се симнале од село. Па дајте бре јавни личности сте, дајте препукувајте се малце меѓуредови, малце безобразно и малце “курвински“. Од целиов овој наш Балкан единствено ми се допаѓаат препирките на Јелена Карлеуша. Типката стварно знае како да врати, а нејзин цитат кој најмногу ми има оставено впечаток гласи: “Нема повеќе златни кокошки, сега може да работи само зо златни свињи“.
Освен овој факт на некултура во расправија кај нашите ѕвезди, друго нешто што не одговара е нивниот аутфит сцена. Алоо луѓе 21 век сме. Заборавете на високо тапираните коси и вампирската шминка. Покрај изгледот станува збор и за настапот на сцена. Техника од 19 век, микрофон со кабел кој се наоѓа меѓупрсти на пејачот/ката. Здрвена кукла на сцена со некои евтино платени танчери и танчерки. Сето ова остава доста лош впечаток за публиката. Секако да не заборавиме дека за сите овие летни фестивали се крева голема фама, дека тие ќе бидат нешто најгламурозно во сезоната. Од зборот гламур тие немаат ни Г, а камоли пак цел збор ...
А од сигурни извори уште од оваа недела по круговите на славните се шпекулира дека за некој фестивали победниците се веќе одредени.
Како и да е, сите се надеваме на нешто ново, ама тешко дека ќе го добиеме. И ова лето ќе гледаме лажни насмевки и наместени награди. Секој од изведувачите можеби ќе се надева дека можеби неговата песна ќе стане хит, но барем за тоа одлучува публиката.
А публиката и останува да се надева дека по неколку години МОЖЕБИ ќе види одлично организиран летен фестивал, најава за шоу која би била исполнета и секако добра летна забава ...
ShowBizz ќе коментира за секој летен фестивал, но секако за оние песни кои ќе вредат, а можеби и за некој трач ...
Имајте одлично лето и неверојатна забава каде и да се наоѓате ...
П.С. Секоја чест на исклучоците од овие фестивали ...Ако ги има ...

|

Read Users' Comments ( 0 )

На отварањето на базенот “Снупи“, покрај ѕвездите на Гранд, Стеван и Милица, специјален гостин беше кој друг, ако не секогаш скандалозниот и провокативниот Боки 13.
Облечен во долга зелена блуза, и кратки секси панталончиња, тој на велешани им приреди единствено шоу, играјќи и пеејќи на неговите “Преко стола“, “Холивуд“, “Расплела сам плаву косу“, и хитот на Северина “Гас, гас“ ... Конечно и велешани погледнаа добро спакувано шоу, во кое целиот центар на вниманието му припаѓаше на Боки 13 ... Се надеваме дека вакви настапи летово ќе има уште многу на базенот “Снупи“.
За сите вас видео од настапот на Боки 13 ...
П.С. Се извинувам за недоволно добрата снимка ...

|

Read Users' Comments ( 9 )

Мак ѕвезди какво- такво шоу заврши. Јане Дунимагловски ја однесе главната награда, но запамтени се уште голем број на млади талентирани луѓе кои учествуваа.
Една од личностите која најмногу остави впечаток на овој музички натпревар е Петре Штерјов. Младо и талентирано, но скромно момче, така би го опишале повеќето кој го знаат, но благодарение на својот талент, сигурно ќе завземе место на македонската естрада.
Затоа денес на Showbizz за сите вас екслузивно ја објавувам песната на Петре и Ивана- Ден за нас ...

Оваа песна ќе ја изведат на годинешниов радиски фестивал “Ѕвездена ноќ“. Им посакуваме многу среќа и да го освојат првото место ...

|

Read Users' Comments ( 6 )

Само што помислив дека конечно добивме добро изработен концепт на одлична емисија, за која и мислев дека е наш производ, чепкајќи по интернет пронајдов изненадување.
Да не излезе од тука рекла-казала, не ја спомнувам емисијата, но сепак би ви прикажал за што станува збор.
Следете го овој линк ... http://www.rtl.hr/program/magazin/

Зачудувачко, нели???

|

Read Users' Comments ( 4 )

Кралицата на хрватската музика, балканската верзија на Мадона по четири години повторно со голем стил се врати на сцената и тоа на иновативен и скандалозен начин преку кој го претстави својот нов албум “Здраво Маријо“...
Овој албум крена голема прашина во моментот кога прв пат во јавност се слушна дел од насловите како на пример “ Muskarcе samo treba kurva“,“Da nisi mozda gay“,па се до насловната нумера “Здраво Маријо“. За овој албум се вели дека е досега најскапо платениот на Балканот, но без разлика промоцијата беше едно неверојатно нешто кое ретко се гледа на нашите простори. Северина се омажи, гласеа насловите на сите медиуми во Хрватска затоа што Севе навистина покажа како се прави промоција во светот на шоубизнисот ...
Патем речено оваа недела албумот ги срушил сите рекорди на продажба во Хрватска, а Северина доста добро знае како своето име да го претвори во уште пославен бренд на Балканот.
Снимка од промоцијата на албумот ...


Имено овој албум го критикуваат и како прв турбо-фолкерски албум во Хрватска, но Северина вели дека знае што сакаат Хрватите, а дека тоа е многу повесела музика ...
Сега ајде бивша Југославијо, играј на звуците на Севе и дел од нејзините стихови ...

“Laku noć, sestrice
Dobre i lude
Bog neka nas čuva.
Sanjajte, svetice
Muškarcu samo, samo
Treba kurva.“

“Kod tebe, kod mene
U autu što da ne,
Šta ti nije tu okej,
Da nisi možda gej.“


“Šoferskih gostiona,
Hormona do plafona.
Muškaraca tona
Turbo je sezona!
Ej, što volim miris od benzina
Ej, magistrala Dalmatina.
Hop, hop, malo, malo pa krivina.
Ljulja se kabina,
Turbo je mašina!“

“Rakija se liječi vinom,
Marihuana kokainom
Sve ostalo, sve ostalo
Sve ostalo Severinom.
Zdravo, Marijo,
Neka bude volja tvoja,
Da ne budem stara cura,
Bez avantura.
Aleluja, aleluja,
Aleluja.“
Ова е нашиот Балкан ...

|

Read Users' Comments ( 3 )

Конечно го добивме првиот светски хит на нашиот ангел ... The hardest thing ...
Малце се потрудив за да го напишам текстот, но сепак тоа е за нашиот ангел, нашиот Тоше ... Но, сепак нашето најтешко нешто е да ја прифатиме суровата реалност ...
Специјално за сите текстот на The hardest thing ...
Lyrics of Tose Proeski- The hardest thing .... By PeTa® ...
THE HARDEST THING
I sleep all night, not by your side,
I love to hear your breathing, breathing
The morning light, wounds my eyes,
It’s still in tight, so leave it, leave it
I know that it seems, like it’s easy for me
I wish you to feel what is going on inside

It’s the hardest thing I ever have to do
To walk away from you
When I want to hold you
It’s the hardest thing in every single day
To left and turn away
I want you to know that
This is the hardest thing …

Another day, it isn’t late
I close my eyes, to see your face
The more I wait, the longer it takes
It feels like time it's standing still
Wherever you go, whatever you do
I want you to know that you’re on my mind …

It’s the hardest thing I ever have to do
To walk away from you
When I want to hold you
It’s the hardest thing in every single day
To left and turn away
I want you to know that
This is the hardest thing …

Just let go off your hands
The hardest thing, to make you understand
That to love you, feel you, till the time I’ll see you again
It’s the HARDEST THING …

It’s the hardest thing I ever have to do
To walk away from you
When I want to hold you
It’s the hardest thing in every single day
To left and turn away
I want you to know that
This is the hardest thing …

I sleep all night, not by your side
I love to hear your breathing, breathing …
Ако најдете некоја грешка не замерувајте ... Поправете ја со коментар ... RIP Tose...

|

Read Users' Comments ( 8 )

Уште една Евровизија помина, уште едно спектакуларно шоу ... Секоја чест на Србите се покажаа во најдобро светло и како многу добри организатори. Почнувајќи од сцената па се до разните кореографии, навистина се беше феноменално. И сега што ... Го имаме победникот- Дима Билан ја однесе Евровизија за 2009 во Русија, а ние, што направивме ние ???
Последниве денови се жалиме на новите правила на ЕБУ ... Алоо луѓе, па свесни бевме за тие правила... Се жалиме на озвучувањето и техниката ... Алоо луѓе, тоа е Евровизија, а не Цветници или Валандово Фест. Таму се потрошени милиони евра за годишното озвучување и на нам не ни чини. Демек нарочно ни праат некои финти ...
Секогаш, кога нам нешто не ни чини, другите ни се криви, се нас не не сакаат ...
Како прво треба да го исчистиме сопствениот двор за понатаму да бидеме успешни ...
Што бараат кадри од времето на Тито да ми водат Евровизија, уште англиски не знаат правилно, а не да ми организираат национално претставување.
Второ, ПАРИ, голем проблем за нас ... Азербејџан кој годинава прв пат настапуваа според некои податоци за пропаганда потрошиле околу 150 илјади евра ... 150 илјади евра за толку мала и сиромашна држава, а ние скромни 60 илјади евра ... Треба да се направи добра рекламна кампања, ако ништо друго треба да бидеме наметливи на медиумите, секој претставник да се труди да биде центар на внимание ...
И трето кореографија и облека ... WooooW ... Секоја година здрвени кукли на сцена(чест на исклучоците), секоја година облечени по последна мода ... Само не знам дали од Зелено пазарче купуваат ... Сто пати имам кажано дека за Евровизија треба шоу, треба скандал, треба луѓе кои знаат што сакаат и знаат како да го постигнат тоа... Треба добра организација, околу 100 илјади евра и добра, лесна, етно- забавна песна, со заразлив ритам, на кој можат да играат и стари и млади ...
Секоја чест на Дима Билан за победата и еве го неговиот победнички настап ...
Следната година повеќе среќа за Македонија ...

|

Read Users' Comments ( 1 )

Деновиве на големо по нет- страните се вртат клипови на кој се слуша дека грчката песна за Евровизија претстатвува комбинација од неколку песни ... Според законите на Европската медиумска мрежа, песна за Евровизија не смее да биде плагијат или пак препеана песна ... За сега останува да видиме што ќе биде, но повеќе од очигледно е дека HellAss-ите имаат сколност кон крадење ... :D:D:D
Погледнете го клипот со докази ...

|

Read Users' Comments ( 3 )

Само што помисливме дека од Бугарија дојде најголемата глупост, тие уште еднаш ни покажаа дека се лажеме. Сите сигурно добро ја знаеме Валентина Хасан и нејзината изведба на хитот на Мараја Кери т.е. “Ken Lee“ ... Целата оваа изведба бугарите ја претворија во светски феномен. Од разни гостувања по ТВ емисии, до снимки од целиот свет на кој сите ја пеат “Ken Lee“, до разни спотови и ремикси... Па дури оваа снимка е видена и од самата Мараја Кери ... Да не должам мноогуууу одиме со клиповите ...
Повелете смејте се ....
Најпрво погледнете ја подобрената англиска верзија ...

Следува интервју со самата Валентина Хасан и најава за следен голем хит “I will always love you“ .....

Понатаму реакцијата на Мараја Кери за “Ken Lee“ ...

За самиот крај, најголемо изненадување спот и ремикс на овој веќе голем хит ...

И ова се вика бугарска работа ...:D:D:D:D

|

Read Users' Comments ( 3 )

Сабота 12 април 2008 година. Тешки мигови за секој граѓанин на нашата земја. Сите со солзи во очите со голема болка во нашите души се сеќаваме на ангелот пратен од Бога- ТОШЕ ПРОЕСКИ ...
Тоше шест месеци без тебе, но шест месеци со твојот боженствен глас. Македонија плачеше, плаче и ќе плаче, бидејќи го изгуби единственото нешто што вистински вредеше. Шест месеци зборувавме, зборуваме и ќе зборуваме за тебе бидејќи ти беше дел од животот на секој и секој те носи во своите месеци.
Шест месеци твојот лик ни се насмевнуваше од ТВ екраните, но во сите нас огромна е желбата повторно да одиме на твоите концерти.
Шест месеци твоите песни се лек на нашите срца, со нив се будиме, во нив наоѓаме утеха и со нив се чувствуваме поблиски од тебе.
Што и да правиме свесни сме дека нема да те вратиме, но сепак во сите гори надежта дека сето ова е само лош сон. Со твоите 26 години замина кај ангелите и не напушти без да кажеш збогум. Денес шест месеци по твојата смрт Македонија и Балканот сеуште плачат и се молат за спокој на твојата душа, зашто ти беше примерот на она што значи да се биде човек. Секогаш насмеан, ведар и добро расположен. Секогаш хуман и дарежлив. Македонија даде завет дека никогаш нема да те заборави. Македонија даде завет дека ќе продолжи по твоите стапки. Не научи како да се сакаме меѓусебе, како да ја сакаме својата земја и своите ближни, па дури и како да се сакаме самите себеси. Ти беше ангел пратен од Бога со мисија. Очигледно твојата мисија заврши, но твоето дело ќе го продолжиме ние и генерациите кои доаѓаат. Повеќе не постои човек кој не ги сака твоите песни. Од 6 до 96 години сите плачат за тебе, но единствениот начин да те зачуваме од заборавот е да продолжиме гордо како Македонци и да се сакаме меѓусебно, да си подаваме рака кога имаме проблеми и да бидеме вистински луѓе. Секој од нас да биде човек каков што беше ти.
Тоа Тоше е нашиот завет кон тебе ...
Иако не си меѓу нас вечно ќе живееш, затоа што ангелите никогаш не умираат...


Едно писмо за Тоше кое навистина ме потресе ... :(
Тоше во ЧИЈА СИ сега близина,КОЈ ЛИ ТИ ГРИЗЕ ОБРАЗИ,кој УСНИ ТИ БАКНУВА,Ти си единствената МОРСКА ЅВЕЗДА на овој свет!
АНГЕЛ СИ ТИ пратен од бога да не водиш низ ИГРИ БЕЗ ГРАНИЦИ,ти си ПОЛСКО ЦВЕЌЕ кое цветеше и кое ќе цвета во градините на нашите срца ЗАСЕКОГАШ!
Каква ли МАГИЈА носеше што не водеше сите ПО ТЕБЕ...
АКО МЕ ПОГЛЕДНЕШ ВО ОЧИ ќе видиш само НЕМИР и гнев.Во нив го нема веќе оној сјај кој го имаше додека пеевме со тебе.
Сонцето кое што грееше над нас сега го покри мрачна МЕСЕЧИНА.
Ти знаеше ДЕКА СРЦЕТО НЕ Е КАМЕН кое знае и да страда, зошто не остана да живееш во СОНОТ НА ВЉУБЕНИТЕ заедно со нас,туку одлета 1200милји над нас,кога овие поминати 26год.не беа твое КРАЈНО ВРЕМЕ.
Зошто остави ГРОМОВИ НА ДУША да удрат во нашите срца кои сега ке бидат вечно затворени во СОБА ЗА ТАГА...
Не СЛУШАШ ЛИ Господи дај барем ИЗЛАЖИ НЕ УШТЕ ЕДНАШ дека тоа не е вистина,бидејки сега сите се прашуваме ИМА ЛИ ДЕН ЗА НАС откако замина тој....

ПОЧИВАЈ ВО МИР ГОРДОСТ МАКЕДОНСКА, АНГЕЛУ НАШ НЕПРЕЖАЛЕН ...

|

Read Users' Comments ( 9 )

Гледајќи по блоговите на моите драги колешки и колеги наидов на еден пост со прекрасна содржина. Прекрасно мало шест годишно девојче пее со прекрасен ангелски глас на кој не можете, а да не покажете емоции. На блогот “Новинарско ќоше“ беше поставен клип од нејзиниот настап на шоуто “Британија има талент“. Од овој клип бев зачуден и со сигурност знам дека ова неверојатно девојче ќе биде ѕвезда од светски размери бидејќи го има правиот тален во себе на кој што и Сајмон Ковел (озогласениот член на жирито) остана вчудоневиден.
Затоа се потрудив и најдов нешто повеќе за ова девојче ...

Името на ова слатко детенце е Кони Талбот и има шест години. Одкако ја воодушеви целата британска нација на ова шоу, таа денес го има издадено својот прв дебитантен албум кој носи наслов “Somewhere over the rainbow“.
На овој албум свое место имаат 12 големи хита кој останале во спомените на луѓето низ целиот свет, кој повторно се воодушевуваат сега благодарејќи на Кони.
Списокот со песните е:
1. Over The Rainbow
2. I believe
3. Smile
4. Three Little Birds
5. Imagine
6. My Favourite Things
7. Any Dream Will Do
8 What A Wonderful World
9. Ben
10 I Will Always Love You
11.I Have A Dream
12.You Raise Me Up


Иако сеуште е мала ова слатко девојче во себе носи ангелски глас кој ја воведе во светот на славата, но сепак од неа допрва се очекуваат нови успеси. Во фаза на изработка е и втор албум, но сепак мислам со првиот Кони покажува што значи да се биде пејач и им оддржува добра лекција на сите самонаречени ѕвезди ... Секоја чест за Кони .... Во продолжение неколку испеани песни од неа:
(Погледнете нема да зажалите)
I will always love you ...

Over the rainbow ...

White Christmast ...


П.С. Кони веќе има седум години, почнува да снима реклами и добива понуди за филмови ... А дури сега тргнува во прво одделение ... :)

|

Read Users' Comments ( 3 )

Вечерва од пуста досада разгледував по неколку страни на интернет кога забележав интернет страна со наслов „60 најглупави цитати на познатите“ ...
Отворив и што ќе видам од глупо- поглупо ... Затоа решив некој од нив кој ми оставија впечаток да ги ставам на мојов блог ...
Има цитати од пејачи, политичари, спортисти и уште еден куп на познати лица, но како што напоменав тука се највпечатливите ...
Одиме чекор по чекор:D:D
Бритни Спирс: “Прекрасно е да бидеш познат можеш да патуваш во многу прекуокеански земји. Како на пример Канада.“ (интервјуто е одржано во Њујорк)
Кристина Агилера: “Годинава каде ќе се одржува Канскиот филмски фестивал?“
Брук Шилдс: “Пушењето убива. Ако вие сте убиени, тогаш сте загубиле голем дел од својот живот“
Бил Петерсон: “Момци наредете се по азбучен ред по висина“
Крег Норман: “Им должам многу на моите родители. Посебно на мајка ми и татко ми.“
Арнолд Шварценегер: “Мислам дека геј браковите се нешто што треба да биде помеѓу маж и жена.“
Мараја Кери: “Секогаш кога гледам на телевизија за оние кутри изгладнети деца насекаде низ светот, не можам да правам ништо друго, освен да плачам. Мислам и јас би сакала да бидам толку слаба, ама не околу мене да има муви, мртви и такви работи.“
Линда Евангелиста: “Јас не сум на диета. Само не јадам онолку колку што сакам.“
Бритни Спирс: “Никогаш вистински не сум сакала да одам во Јапонија. Од едноставна причина што не сакам риба. А имам слушнато дека тоа е доста популарна храна таму во Африка.“
Џесика Симсонс: “Јас не сум анорексична. Јас сум од Тексас. Дали постојат луѓе од Тексас кој се анорексични? Јас не сум слушнала за такво нешто, вклучувајќи ме и мене.“
Џорџ Буш: “Јас имам свои мислења. Цврсти мислења, иако понекогаш не се согласувам со нив.“
Џек Николсон: “Мојата мајка никогаш не ја гледаше иронијата кога ме нарекуваше син на кучка.“
Робин Вилијамс: “А, развод. Па тоа значи да му се извадат на мажот гениталиите преку неговиот новчаник.“
Се насмеавте ... :D:D:D:D

|

Read Users' Comments ( 3 )

Секако ако сте порно актерка која ужива во тоа што го работи ...
Но, мојата цел тука не е порногарфската индустрија туку шоу- бизнисот и сексот. Освен правилото дека сексот продава во последно време премногу очигледни се маалските муабети и трачеви дека преку секс можеш да успееш. Ова ме зачуди и затоа решив да напишам еден пост. Велат дека сексот е најстариот благодет на земјата во кој сите уживаат- тоа е точно. Но, освен проституцијата (најстар занает на светот) зарем постои некоја млада и убава девојка која што очајно се обидува да влезе во светот на шоу- бизнисот и гледа влез само преку своето тело. Ова најискрено ме зачудува ... Затоа и ме интересираше малце повеќе и од чаршиските рекла- казала излегува дека половина јавни личности се пробиени преку нечиј кревет. Овој факт ме натера да си поставам себеси неколку прашања ...
Дали опшеството е на тоа ниво за да некоја млада и талентирана девојка треба да го продава своето тело за да успее ???
Дали таа девојка се запрашала себеси каде е нејзиното достоинство и нејзината гордост???
Дали таа со тоа што го прави постигнува нешто повеќе???
И на самиот крај дали вреди сето тоа за пет минути на сцена???
Сето ова зачудува, но очигледно тоа е светот во кој што живееме и најверојатно и понатаму ќе гледаме како нашите млади и талентирани девојки очајни за кариера, успех и слава легнуваат во нечиј кревет кој може да им го обезбеди тоа ...
Па добро бе луѓе, каде исчезнаа старите морални вредности, зарем веќе никој не придава значење на талентот (туку само се гледа некоја друга надареност). Овие прашања заслужуваат одговор, а сите оние девојки кој ја градат својата кариера на овој начин треба да се засрамат, затоа што вистината секогаш излегува на виделина. Дали подоцна, дали порано ние ќе дознаеме кој се таканаречените „спонзоруши“ и верувајте во тој момент нивниот розов свет изграден во кревет ќе се сруши ...
Вашите мислења за оваа тема посебно ме интересираат ...
... KiSs tO aLL wHo haTe mE ...
... LiVe mY liFe iF yOu cAn ...

|

Read Users' Comments ( 3 )

Денес чепкав на youtube и не знам зашто ми текна да ставам еден пост за македонските спотови за разлика од српските, бугарските, странските итн ...Прочепкав на youtube и најдов неколку спота ама кога ги разгледав најверојатно нашиот на последно место го ставам ... Како прво за добар спот важно е да се има пари и добар режисер. Спотот треба да има приказна, да го раскажува текстот на песната, а не да биде снимен во некое второкласно студио. Спотот ја одразува и популарноста на изведувачот, колку подобар спот, толку поголем успех ... А, според нашите спотови, далеку е успехот ......
За споредба извршив селекција на неколку спота од српска, бугарска, странска и македонска продукција. Само за вас да можете да коментирате ... :):):)
Како горд Македонец првен нашето го ставам, колку и да не чини ...
Елена Ристеска- Милионер ... Баш милионерски стил на спот ...:)



Следува нашиот северен сосед ... Јелена Карлеуша- Тихи убица ... Спотов ме остави без зборови ... Прочепкав уште нешто за него и според некои информации вреди 45.000 евра ...



Од Бугарија ни доаѓа Малина и спотот за Студ ... Стварно добра работа е ...



И на самиот крај од странска продукција Rihanna и Don't stop the music ... No comment ...



Дали можете да ја најдете разликата???

|

Read Users' Comments ( 5 )

Вечна тема за разговор... Каква е нашата, македонска естрада, ако и воопшто постои ...
Србите прават растур со Пинк и Гранд продукција, Бугарите да не збориме, од Планета до Балканика дури ги споредуваат со светските естради, Грците истотака, Албанците, Хрватите, Словенците и така натаму да не ги должам многу сите имаат своја естрада и своја домашна сцена,а ние???


Кај нас постојат неколку проблеми за ова прашање...

Како прво, немаме своја музичка телевизија на национално ниво ...

Второ немаме техничка опременост за одлични спотови и емисии ...

Трето, сексот продава. Дали некогаш нашиве слушнале за тоа???
Која од нашите пејачки, па можеби и пејачи, ако постојат, покажале малце повеќе кожа.
Во светот има добра практика. Ем голо, ем ништо не се гледа ... Кај нас кога ќе ги видиш на сцена страв да те фати... Како од среден век да излегле. Ни добро нашминкани, ни добри фризури, а за гардероба и сценски настап да не правиме муабет ... Кога ќе се случи тоа јас ќе се прекрстам ... Единствено нешто што ми се допаѓа моментално во нашава земја е Топ шоу и А1 Ексклузив ... Стварно добра ствар се ...
И сеа, што заклучивме ...
Значи ни треба телевизија која најмалку 70% од програмата ќе биде со музика, ни треба техничка подготвеност и еден куп стилисти, шминкери, а богами и пластични хирурзи ...
Ова го пишувам заради последните случувања со изборот на песна за Евровизија, мислам добра е песната али настапот и outfit-от на Адријан, Тамара и Врчак .. фуј ...Но, исто и заради една случка на Планета ... Згодна пластична водителка вели: Трсете на звуците на најблгрската народна песен ... И ја пуштаат “Македонско девојче“, и тоа со спот во кој има блага еротика ... Зошто Блажето наша не се разголи и не ја испее оваа песна, па тогаш ќе види колкупати ќе и се зголеми бројот на настапите и гостувањата по емисии, зошто Елена Ристевска не покаже малце повеќе од своето тело итн ...
Народот сака ангели со ѓаволски рогчиња, народот сака скандали, сака добри песни и музика, сака добри емисии, сака шоууу ... Дај барем малце нека се смени нешто ... Еве ветувам на првото мое појавување на телевизија веднаш ќе ви покажам одличен настап со сценска изведба, гардероба и се останато ... Ќе видите, добрите времиња за македонската естрада допрва се надевам ќе пристигнат ... А дотогаш трујте се со “Ој Шабане, свака част“ “ Шта че жена сама у кафани“ и слично...

|

Read Users' Comments ( 3 )

Велат дека љубовта и омразата не одат заедно... Е како да не, во шоу- бизнисот се е заедно. Денес се карам, утре сум другар... Прекрасно, нели???
Но, што сакам јас во овој бизнис, а што мразам???

Сакам шоу ... Мразам кич ...

Сакам скандали ... Мразам планирани претстави ...

Сакам папараци ... Мразам збрка со нив ...

Сакам обожаватели ... Мразам досадни ...

Сакам слободно изразување ... Мразам цензура ...

Сакам секс ленти ... Мразам глумење од типот: Леле, ми ја украдоа лентата од дома ...

Сакам да ме мразат ... Мразам да ми се закануваат ...

Сакам црвени килими ... Мразам вештачки насмевки ...

Сакам провокативни прашања ... Мразам лажни одговори ...

Сакам добри сценски настапи ... Мразам зомби на сцена ...

Сакам насловна секој втор ден ... Мразам да ме копираат ...

Сакам добар трач ... Мразам клевета ...

И .... Сакам многу работи, но исто така и мразам многу работи, ако продолжам да бројам ќе треба web- страна да направам :):) ....

|

Read Users' Comments ( 3 )

Досадно неделно попладне ... Немав што да правам, се ми беше научено за на факултет, домашни напишани, абе што да ти расправам, седнав ќе гледам телевизија ... Пуштам телевизорот и по навика на ТВ Планета ... Имаат прекрасни спотови луѓето, не за друго, многу професионално се изработени (а и пеачките не се лоши :D)... Одеше Малина арно ама не бев расположен за бугарски шмек продолжив понатаму .... На MTV Adria (не нашето МТВ) имаа реално шоу X- Effect ... Многу добра ствар направиле луѓето ... Два пара се мешаат едната женска заминува со едниот тип, другата со другиот ... И сеа што е финтата ... На едниот нов пар им органзиираат романтична вечера, џакузи и разни љубовни фантазии, додека другиот пар следи се ... Ама се добро опремени кај нас ни тајната служба нема таква техника ... :P:P Значи другиот пар следи се преку камери, прислушувачи, шпиони абе како нов филм за Џемс Бонд да гледаш ... На самиот крај типката треба да одлучи со кој дечко ќе остане дали со новиот или стариот ... Баш беше жална емисијата на крај и двајцата ги изгуби ... На А1 одеше фудбал, на Сител некоја бла-бла емисија, на Пинк пука Гранд шоу какво- такво важно кај нив постои естрада и шоу бизнис ... Најголемото изненадување ме мавна на Канал 5 ... Мак- ѕвезди ... Мислам, секоја чест на србите што го создадоа Гранд- ѕвезди ама на нашиве им треба сериозна помош ... Само што си помислив на тоа еве ја комшиката на врата: “Комшо ќе туриш едно кафе???“- значи го сварив јас кафето и со комшиката се размуабетивме. Го виде Драган на ТВ и почна да ми кажува кој и биле фаворити, а јас кутриот само Петре Штерјов од Велес го знам ... За другите немав ни слушнато, ама сеа комшиката мак- ѕвездовски ме образова ... Кога понатаму гледам моја колешка ја води емисијата ... И се пофалив на комшиката и таа ме извсети дека колешката моја претставува најдоброто нешто во целата емисија. Почна да збори колку добро водела, какви прашања поставувала итн ... Ми се здосади да гледам Мак- ѕвезди и свртев, па и самиот муабет со комшиката се сврте. Таа почна да коментира кој, како и зошто влегол во естрадата ... Од 20 минутното зборување разбрав дека денес демек најлесно можеш да влезеш во шоу бизнис само преку врски, пари и нечиј кревет ... Последното ме зачуди, зарем има некој толку моќен кревет што може да те направи славен ... Секако да ама и не ... И додека во светот шоу бизнисот е преплавен со разни емисии, спектакуларни шоу-а, кај нас гледаме полупразни сали, евтини talk-емисии се на се еден голем кич ... Зарем не сме ние способни да направиме естрада, сепак на крај новинарите ги прават луѓето ѕвезди ... Очекувам мислења од вас драги колеги и колешки ... Сепак не за џабе е речено: “No biz like ShowBizz“

|

Read Users' Comments ( 0 )

Еве мојот блог доби нов лик ... Стариот ми беше некако досаден, а и лично мене баш не ми беше нешто посебно, така да се надевам овој ќе биде подобар, бидејќи ќе видите што е шоу- бизнис ... Поздравче до сите ...

|

Read Users' Comments ( 0 )